L chemun de Urtjëi fej a savëi cun plajëi che la dumanda de finanziamënt dl proiet per la digitalisazion, che ie unì dat ju de setëmber 2023, ie unì valutà positivamënter. L proiet FESR 2006 à arjont 85,60 ponc sun 100 ponc. Nsci pudrà unì finanzià l 100% dl custimënt dl proiet, sciazà de avëi n custimënt de Euro 535.117,39, cun scioldi dl program FESR.
L proiet vëij dant la digitalisazion di documënc dl ufize tecnich y la digitalisazion dla rë dla nfrastrutures dl chemun. Pervia dl finanziamënt FESR possa l chemun jì inant cun chësc ubietif.
L proiet unirà realisà ti proscimi doi ani. L fin ie de sparanië ressorses y de pité ai zitadins n miëur servisc. Dantaldut tres la digitalisazion dla rë dla roles dl ega saral mesun de reagì plu aslune.
Ve fajeron for inò a savëi coche la va inant cun i proiec y nes aspiton de pudëi se nuzé di vantajes dla digitalisazion.
