Cun l ann 2001 iel unida data ora na nueva cherta da lité mpede l vedl zertificat da lité. A desfrënzia dl vedl zertificat eletorel, che univa dat ora per uni votazion, vel la nueva cherta da lité per 18 veles y muessa perchël unì tenida su y nuzeda per la proscima veles.

La nueva cherta da lité à la medema funzions dl vedl zertificat y muessa unì mustreda su adum cun n documënt de identità ala sezion eletorela acioche n po lité. Pra uni vela vën sun na pert dla cherta metù su n timbro dla sezion da lité y la data. La cherta da lité vën notificheda de ufize a duta la persones scrites ite tla listes de vela dl chemun. N cajo che n se pierd la cherta, possen damandé n duplicat al chemun de residënza. Per chësta rejon resta l ufize dla veles for daviert ntan la veles. L duplicat ne costa nia.

Sce n muda la residënza te n auter chemun, fej l nuef chemun de residënza na nueva cherta da lité y tirà ite la vedla. Sce n muda l adres tl medemo chemun, ti veniel al zitadin mandeda na eticheta cun la mudazions da taché su sun la cherta da lité.