DUTA LA COMUNICAZIONS CHE A DA NFE' CUN L GIAURI O STLU NA BUTËIGA MUESSA VESTER FATES TRES L PORTAL SUAP

• VENDUDA STRAORDINERA:

L dà mo:

1) vënder òra: l basta fé al savëi chësc te chemun 30 dis dan che nscumëncia l vënder òra tres l portal SUAP.

N possa vënder òra te chisc caji:

• a) sce n vënd, stluj o sposta l butëiga o na filiela dla butëiga;
• b) per ristruturazion dla butëiga pra chëla che la resta dsareda per almanco doi enes, ma nia tl cajo de lëures de manutenzion che ie for inò;
• c) pervia de na gran desgrazia che à tucà la butëiga;
• d) per n aniverser dla butëiga, uni 25 ani. Ti cin ani dó l ultimo vënder òra ne possun nia plù vënder òra mo n iede.

N possa nia vënder òra per plù de 30 dis ndolauter y nia ti 20 dis dan l vënder óra per la fin dla sajon y tl mëns de dezëmber.

2) vënder òra per la fin dla sajon: chësc possun fé doi iedesc al ann, i tiërmuli vën fac òra dala camera per l cumerz. L fin ie chël de vënder te curt tëmp marcianzia de sajon y de moda che perdessa l valor. Per l vënder òra per la fin dla sajon ne adrovun deguna autorisazion aposta.

3) vënder promozionel: chësc vënder possa nteresse me puec articuli (trei sortes de marcianzia o 20 percënt dla marcianzia dla butëiga). N possa l fé ntan dut l ann me nia ti 20 dis dan l vënder òra dla fin dla sajon y tl mëns de dezëmber. L vënder promozionel de alimenteres, de prodoc per la cura dl corp y de prodoc per puzené la cësa possun fé ntan dut l ann y l ne va nia de bujën de na comunicazion al chemun. Per uni auter vënder promozionel muessun fé almanco 10 dis dan l vënder na comunicazion aposta tres l portal SUAP

AUTRA REGULAMENTAZIONS: La lege regulea ënghe autra formes de vënder (butëighes dla firmes, vënder tres njinies automatichs y n.i.), l cumerz eletronich, la stazions dal penzin, l cumerz sun sperses publiches y l’ëures de giaurida. Per l cumerz sun sperses publiches pudeis cialé dó sota l pont dl menu aposta. Per duta l’autra formes de vënder ne dal deguna spiegazions aposta, ma pudeis dumandé dò tl ufize dla lizënzes dl chemun, ulache Karl Gustav ve dà spiegazions plù avisa.