Per manifestazions de ntratenimënt che dura nia plu de doi dis y canche n se aspieta manco de 2000 persones iel debujën dla autorisazion dl Ambolt.

L'aministrazion chemunela fej al savëi al urganisadëur la cundizions scrites dant per fé la manifestazion. Chëstes muda aldò dl tipo y dl luech, ulache la manifestazion vën fata. Dan puech iel unì dat prò n regulamënt per mëter a jì festes y autra manifestazions publiches, che regulea n linea de mascima l mëter a jì de festes y cuntën cundizions y prescrizions de mascima. L'autorisazions per manifestazions che dura plù de doi dis o per chëles, che n se aspieta plù de 2000 persones y per duta la festes te tendes vën dates dal Prësident dla provinzia y muessa unides damandes al Ufize de polizai aministrativa dla Provinzia autonoma de Bulsan, streda Crispi 3 a Bulsan.

Recuisic:

• avëi 18 ani y che n po se lascé sun l urganisadëur;
• disponibeltà de n luech per fé la manifestaion

Documënc:

• domanda de autorisazion per mëter a jì la manifestazion;
• comunicazion de scumenciamënt dl atività ala SIAE (sce l ie na mujiga o sce la manifestazion ie a paiamënt);
• minonga sanitera (sce l vën pità da maië y da bever);
• detlarazion sul'instalazion dl mplant de lectrisc y/o dl gas sciche l se toca (per manifestazions alalergia) y sul sferdé dla spëisa.

Regulamënt per fé festes y autra manifestazions publiches