Tl Chemun de Urtijei vëniel bele da ani pita l servisc de mpresté ora auti cun persona che avisa. Chësc servisc ie zech de fondamëntel tl trasport publich dl luech. Belau duc i auti per l servisc de mpresté ora auti cun persona che avisa – per al mascimo 9 persones – che ie al mumënt n servisc a Urtijëi à na autorisazion per n post y possa perchël unì mprestei ora diretamënter ilò. Oradechël iel puscibl mpresté ora n bus cun persona che avisa.

L servisc de mpresté ora auti cun persona che avisa se desferënziea dal servisc de taxi, ajache i priejes per l viac vën fai ora danora y ne depënd nia da tan giut che l viac dura. L Chemun à l duvier de regulé l servisc y de cuntrulé che la prescrizions vën tenides ite. Per chësta rejon à l'aministrazion de chemun laurà ora n regulamënt. L regulamënt cunten i recuisic che n adrova per mpresté ora auti y l prucedimënt aministratif. L'autorisazion per fé l servisc de mpresté ora auti cun persona che avisa vën data ora dal'aministrazion de chemun, do avëi scrit ora n cuncors. Per nfurmazions plu avisa sun l servisc de mpresté ora auti cun persona che avisa ie Karl Gustav for a Vosta disposizion.

Regulamënt sun l servisc de mpresté ora auti cun persona che avisa