Duc chëi che ulëssa tò ite na lerch o na spersa publica, mé per n struf o per for, muessa fé na dumanda danora per giapé dal ufize cumenel cumpetënt la cunzescion per la ocupazions permanëntes o la autorisazions per la ocupazions per ntant.
L ie sperses o lerches publics i luesc y i grunc che fej pert dl demane o dl patrimone indespunibl dl chemun, coche la stredes, la plazes, la vies, i ghebelbri, i parcs, i verzons, y nsci inant, y la lerches che ie sotite (sofonz) y sëuravia (sëurafonz) y la sperses de avëi privat, ulache ie scrita ite aldò dla lege na servitù de passaje publich.
