Uni zitadin, firma o lia a la rejon de se damandè l pudei se nuzè dla sales dessot scrites che ie tla cësa de cultura Luis Trenker. Tlo dessot la regulamentazion revardënta.
REGULAMENTAZION DL ADRUVE' LA SALES TE CËSA DE CULTURA LUIS TRENKER A URTIJËI
1) L priesc de basa (n generel) per l mëter a disposizion di locai te cësa de cultura Luis Trenker ie stat metù sù cun deliberazion dla jonta de chemun n. 130 di 19.02.2024 y dat prò (IVA rateda leprò) tla somes tlo dessot nunziedes:
- € 300,00 per la gran sala;
- € 50,00 per la pitla sala;
- € 100,00 per la gran sala dla mostres Luis Trenker;
- € 50,00 per la sala per la mostres (al mumënt "Matada").
La jonta po da cajo a cajo fè ora de autri priejes. L ti spieta ënghe ala jonta de fè ora da cajo a cajo se la sales po vester metudes a disposizion per debant.
2) Uni dumanda per pudëi adruve na sala te cësa de cultura Luis Trenker muessa vester data it ala jonta de chemun te na forma scrita y vester sotscrita aposta (de norma almanco 3 enes dan l tiermul ulache n ulessa se nuzè dla sala). Per chësc fin pon adruvè l formular metu aposta a disposizion da pert dl aministrazion de chemun. Sun la dumandes muessel vester metuda su la marca da bol (al mument de € 16,00). Lies scrites it tl register provinziel dla lies de volontariat ne ie nia sotmetudes ala chëuta de bol.
3) Dan fat ai locai o ai nplanc ntan l meter a ji dla manifestazion va dl dut a spëisa de chiche a metù a ji la manifestazion. Per chësta rejon muessel vester data ju, almanco un n ena dan l se nuzè dla sala, na cauzion che muessa vester paieda it sun l conto dl Chemun pra la Cassa Raiffeisen Ciastel-Urtijëi (IBAN: IT 18 L 08056 23100 000300050008 - Swift-BIC: RZSBIT21011). La soma dla cauzion (soma minima) ie stata metuda su coche tlo dessot nunzià;
- € 1.000,00 per la gran sala y adruvè dla cësadafuech;
- € 500,00 per la gran sala;
- € 100,00 per la pitla sala;
- € 300,00 per la gran sala per la mostres Luis Trenker;
La cauzion ie for da paie it, ora ncajo che la jonta fej ora de nia se la damande. Dezijion che ven tëuta valutan da cajo a cajo.
L ufize de i conc (al mumënt bera Matthias Hofer) cialera do avisa che la cauzions damandedes venie paiede it sciche se toca.
4) A chiche fej dumanda ti veniel fat al savei per scrit sce la sala ven metuda a disposizion o sce chesc ne fossa nia mesum. Cun l fè al savëi de pudëi se nuzè veniel ënghe mandei pea i regulamënc che chiche a damandà muessa teni it.
5) I lëures per njenie ca muessa vester ratei pea ti dis che vën nunziei tla dumanda. N ne po nia se nuzè i locai dant o do ora di dis aposta nunziei tla dumanda.
6) Coche i locai metui a disposizion ie y l funzione di nplanc tecnichs (nplant de illuminazion, beamer, microfons, y n.i.) unirà ciala do dal verdian adum a n respunsabel dan la manifestazion y dan sëurandè i locai fitei.
7) Sce l amministrazion de chemun se damanda per certa manifestazions l servisc di destudafuech muessa chesc uni garantì.
8) Sce per la manifestazion val debujen mo de autorizazions njuntives sciche lizenzes, comunicazions zertifichedes, y n.i., muessa chëstes vester damandedes o fates da chiche met a ji la manifestazion.
9) L muessa vester tenides it duta la istruzions fates da pert dl verdian.
10) I locai muessa vester dai de reviers al chemun ala fin dla manifestazion tla medema maniera de coche i fova sai seuratëuc (l verdian dajera istuzions n chësc cont).
11) L amministrazion de chemun se riserva la rejon de ublighe chiche met a ji la manifestazions de nciarià na firma che ruma sù y puzenea i locai do che la manifestazion ie fineda (l inuem dla firma nciarieda muessa vester fat al savëi bel danora al chemun).
12) l verdian dla cësa de cultura a l duvier de damande y cialè do che la normes venie tenides it. N cajo de dan per rejon de de nia avei teni it la normes l verdian ti l fara riesc al savei al aministrazion de chemun. L aministrazion de chemun se damandrà sun na tela l cuncè dl dan. Sce l ne ie deguna segnalazion, l verdian lascerà lieda la cauzion data ju y l ufize di conc ti la farà avei de reviers a chiche l ova data ju.
.
