Tla proscima enes y mënsc vëniel tëut su y digitalisà duta la nfrastrutura dal’ega de Urtijëi. Chësc tol ite dlongia la roles dal’ega da bever, dal’ega blancia y dal’ega foscia nce i pozetti, i idranc, i resservars y ciche toca leprò. Per fé chësc muessa uni pozetto unì giaurì y muserà ora. I dependënc dl cantier dl Chemun juderà cun si savëi i lauranc dla firma „Ingenieure Patscheider & Partner GmbH“ ntan l lëur sun l post.
Chisc lëures toca pra l proiet FESR “CONNECT URTIJËI” ulache l vën digitalisà dlongia la nfrastrutures dal’ega nce duc i documënc dl frabiché privat y publich. L fin ie de sparanië ressorses y de pité ai zitadins n miëur servisc. Dantaldut tres la digitalisazion dla rë dla roles dl ega saral mesun de reagì plu aslune te situazions problematics. I cosć de duta la mesures de digitalisazion de ndut 535.117,39 euro vën finanziei al 100% dal program FESR.
