L Chemun de Urtijëi ie tl lëur de lauré ora n plan dl tlima. L ubietif de chësc plan ie chël de analisé la situazion atuela dl Chemun per ciche reverda l cunsum de energia y dla energia renuvabla y de se anjenië ca strategicamënter ala mudazions dl tlima. Oradechël dëssa unides lauredes ora mesures cuncretes per la prutezion dl tlima y per l adatamënt ala mudazions dl tlima.
Te chësc pruzes ulessan Ve dé la puscibltà de Ve purté ite y de dì Vosta minonga. Per chësc on metù ju chësta nrescida cun dumandes “multiple-choice” y dumandes daviertes.
La nrescida ie fata ora de 19 dumandes, damanderà prësciapuech 10 menuc de Vosta dl’aurela y ie defin anunima.
La nrescida ie davierta dai 01.05. ai 01.06.2025 online y nce da abiné de papier te Chemun.
Rengrazion, che Ve tulëis la dl’aurela de tò pert a chësta nrescida!
Tres chësc link y QR-code iel puscibl fé la nrescida online:
https://de.surveymonkey.com/r/5Z8DWZL
